موسوعة المبتدئين وكل ماتحتاجونه فى عالم سيرفرات الميكروتيك

السلام عليكم جميعا اعضاء المنتدى الكرام....
بصراحة موضوعاتى كتير ومتشعبة....
ومفيش موضوع ضامم كل حاجة...
الاعضاء بيدوروا كتير جدا فى الصفحات علشان يوصلوا للى عاوزينه...
النهاردة انا هاستلمك من الالف للياء...

(1) هاعلمك ازاى تبرمج الروتر بتاعك....قواعد عامة للبرمجة امشى على نفس النهج فى كل الروترات وان شاء الله هاتبقى تمام

(2) هاعلمك ازاى تصنع سيرفر الميكروتيك...والمرة دى باحترافية كاملة بكل الاضافات واللى انتم عاوزينه من السيرفر..منع نت كت..دمج...هوتسبوت..برودباند..قتل الفيروسات ومنعها...الــــــــــــــــــــــــــــخ

(3) نظرة شاملة فى عالم اللاســـــــــــــــــــلكى...وبدائيات التعامل مع الاجهزة اللاسلكية....





الفصل الاول>>>>>>>

الروتر وكيفية برمجته....

انا هاوريكم برمجة الروتر تيبى لينك وبنفس المنوال تقدر تبرمج روترك ايا كان نوعه تقريبا القوايم او الاساسيات متشابهة...











-------------------------


================





الاعضاء الكرام اليوم سنبدأ سويا الابحار فى عالم الميكروتيك فيه طبعا ناس مسطبة السيرفر وعارفة هو ايه وبيعمل ايه وشغالين تمام لكن فيه ناس داخلين معانا هنا لاول مرة فى حياتهم هايعملو السيرفر


خلينا نتكلم بالبلدى وعادى خالص كده انت عارف يعنى ايه سيرفر؟
دى كيسة كمبيوتر عادية خالص باقل الامكانيات ممكن تعملها طب ازاى؟
انا كل اللى عاوزه منك كيسة بانتيوم 2 او 3 وكارتين لان وكفاية او رامة 128 او 256 زى ماانت عاوز يعنى الكيسة على بعضها حوالى 120 جنيه وكارتين ب 40 جنيه ولا حاجة علشان تعمل السيرفر شوفتوا بسيط ازاى؟
طيب انت دلوقتى عرفت ايه المطلوب عاوز تعرف بقى ايه نظام السيرفر ده؟ اعتقد ان اغلبنا بينزل وينوز وعارف يعنى ايه تسطيب سيستم لكن اقولكم انا بقى حاسب هنا الويندوز بتاعنا الاكس بى بياخد نص ساعة او ساعة الاربع حسب مواصفات الجهاز وزيه السيفن لكن نسخة الميكروتيك كلها بتنزل فى 10 دقايق بس
يعنى انت بتنسخ الاسطوانة عادى خالص زى مابتنسخ اسطوانة ويندوز وتحطها فى السى دى روم بتاعك وتشتغل عاوز تعرف تعمل ايه؟
تعالا انا هاوريك ازاى تسطب النسخة عملى وده فيديو انا كنت رافعه على اليوتيوب اهو هيساعدك فى الموضوع ده






وبالنسبة للينك النسخة 2.9.27 المتكركة اللى كلنا بنشتغل بيها اتفضل اهو



www.mediafire.com/?jgziumoggzm


دلوقت بقى عاوزكم بعد نسخ الاسطوانة وتسطيبها بالشكل ده تجهزوا لى سلك نت هايوصل بين السيرفر والكمبيوتر والوانه هاتبقى زى اللى فى الصورة دى
ودى صورة الكابل





 

=================

المكتبه اللى هانشتغل عليها بس علشان تعرفوا انت مينفعش وانت لسه بتتعلم الميكروتيك تبدأ كده او كده احنا هانركن الجمل بتاعنا ونبدا الشرح بقى ماشى؟ بتسالوا جمل ايه؟ انا صورته بعد ماركنته بره وادى صورته وهانبتدى بقى نسخن شوية علشان نفوق كده ونبقى حلوين مبدئيا بقى (نتكلم فى الجد شوية) انا هانزل لكم فيديو شرح الدورة كامل بدون تجزئة للى عاوز يحتفظ بيه عنده وانا رفعته على عدة روابط واتفضلوا اللينكات اهى وطبعا على العملاق بتاعنا ويابخت من كان معاه اكاونت بس الناس اللى زى حالاتى مش هاسيبها انا عارف دماغكم فى ايه؟ اهو اتفضلو حاكم انا ناصح اوى وفاهمكوا !!!!!!!! www.mediafire.com/?2p3wxn230axrqz7 انا كده عطيت لكم روابط فيلم الشرح كامل ونقى جدا طب ايه بقى؟ ثوانى هاركب العربية اللى عاملها جديد فى كفر ابو طشت واروح اجيب لكم روابط الفيديو المباشرة اللى هاشرحها وادى صورة العربية اللى هاتموتوا وتشوفوها قولو بس بسم الله ماشاء الله ونبدا على بركة الله كل فيلم فيديو مباشر هايبقى مرفوع تحته شرح تانى انا عمله صفحات انترنت مشروح بالتفصيل جواها طبعا مفيش عندنا هنا راحة احنا مش هانتدلع واللى عاوز يدلع ادى مصيره وصلت بقى لشروحات هامة جدا رفعتها لكم وهى دى مع الفيديوهات بتاعت اليوتيوب اللى هانشرحها يوميا مع المتدربين وثوانى اشوف كده عربية تانية اروح اجيب بيها الشروحات علشان احد الاعضاء استلف العربية الاولانية ايه رايكم اركب دى؟ والروابط كلها صغيرة وعلى الميديا فاير انا عارف انكم تعبتم زى ماانا تعبت وانا الصراحة محتار اتصل بالاسعاف؟ هايحصل زى كل مرة وادى صورة من مراسل الجزيرة بيصور الاسعاف عندنا هنا بيعمل ايه لما بنتصل عليه؟ احنا هنا ياجماعة كلنا عيلة وعيلة جميلة كمان وادى صورة بيت العيلة بتاعنا بس للاسف لازم الواقع الاليم ورانا ورانا !!!!! يانهار ابيض تانى برضه؟ واحد من الاعضاء خد العربية بتاعتى انا هاتصرف اشوف حاجة اروح اجيب لكم فيها اللى جاى بصوا لقيت ايه؟ بس كده مش هاينفع ده مالوش ظهر وهايقرفنى ياجدعان شوفتوا بقى اخرة اللى بيسلف حاجته؟ بس انا مبعرفش اسوق المكن الصينى معلش هاتصرف ادى اخر صورة اخدتها من على المكنة بتاعتى ماهو اصل المصريين مبيغلبوش والحمد لله عندنا حل لكل حاجة معلش دلوقت هاقوم بقى علشان اعمل زى اللى فى الصورة دى واجهز نفسى لباقى مكتبة الشروحات ويوميا ان شاء الله هاشرح درس درس وهايبقى فيه رد على استفساراتكم بس اتمنى التنسيق يعنى يوم الدرس متسالش غير فيه وبس ومتسبقوش الاحداث انا عملت اللى كنتم عاوزينه اهو ونزلت الشرح مع انى كنت ناوى يبقى واحدة واحدة بس علشان تاخدوا فكرة والناس تذاكر ومش عاوزين نبقى قاعدين نشرح فى احد الدروس فى امان الله ونلاقى واحد يعمل لنا كده بصوا وانتم تعرفوا وبرضه مش عاوز اكون بشرح فى جزئية ونلاقى عضو من المخضرمين يطلع يعرفنا انه ناصح وتمام ومخضرم فى الاخر هايحصل له اللى انا صورته ده علشان انا بتغاظ اوى تنبيه اخير بقى انا ياجماعة اللى قصدت احط التعليقات الساخرة دى علشان نحد من رهبة الموضوع ونحس اننا مننا فى بعضنا مش واحد فاهم وعمال يكلكع فى اللى قدامه انتم اخواتى كلكم وياريت نبقى كده واحنا بنتواصل ولى رجاء محدش يسخر مهما كان من مشكلة عضو حتى لو كانت تافهة جدا ربنا يعلم انا كان بيبقى الحل قدامى ومش واخد بالى منه ومش شايفه =========== السلام عليكم ورحمة الله وبركاته الاعضاء الكرام كتير اوى بلاقى ناس بيطلبوا ازاى اعدل فى صفحات الهوت سبوت اللى بجيبها؟ الراجل عاوز يعملها باسمه ويحط فيها صوره واضافاته واعلاناته وافكاره وكل الحاجات دى طب هايعمل ايه؟ انا هنا مش بعلك ازاى تنشىء صفحة لان انا نفسى معرفش ازاى لكن انا بعلمك تضيف على الصفحات اللى انت عاوزه وتعدل فيه وفى الدرس ده برضه ازاى انك ترفعها على السيرفر بتاعك؟ اتمنى انى اكون وفقت فى شرح الفيديو نيجى بقى لفيديو الشرح اتفضل ياجميل http://www.mediafire.com/?7qn78pud8ipbc0o اما للبرنامج المستخدم فى الشرح وهو الفرونت بيدج العربى اتفضل الرابط اما عن امر فتح الملفات اللى على سيرفر fttp://.......... ومكان النقط دى هاتكتب الايبى بتاع الخروج بتاعك زى مثلا fttp:// 10.0.0.2 لو في مشكله في التحميل او مشاهدة الفيديوهات ادخل هنا كامل ان شاء الله  http://www.egyfire.net/vb/showthread.php?t=39241

====================

==============

تصنيف :