طريقة تحويل جهازك لسيرفر موقع كامل - مركز تحميل - بث قناه على الشبكه وغير ذلك مجانا

طريقة تحويل جهازك لسيرفر موقع كامل - مركز تحميل - بث قناه على الشبكه وغير ذلك مجانا

بسم الله الرحمن الرحيم

اولا الموضوع هيبقى مقسم لكذا قسم واعذرونى لضيق الوقت وظروف العمل

اولا هنستخدم برنامج

WWW File Share Pro

ودا هنحول بيه جهازنا الخاص اللى على الشبكة لسيرفر كامل الامكانيات

رابط البرنامج

MediaFire

jumbofiles

شرط التصطيب



بعد ما نخلص تصطيب البرنامج هنعمل فولدر اللى هنضيف فيه اغلب الملفات اللى هتكون فى السيرفر

وممكن تعمل شير لأى فولدر تانى بجانب الفولدر ده من الهارد فى اى بارتشين عادى جدا

يعنى مش لازم تخلى الهارد كله 2 بارتيشن او تفضى مساحة مخصوص او كدة يعنى جهازك وهاردك مش هتغير فيه اى حاجة

نيجى للمهم طريقة التشغيل

بعد التصطيب دا شكل البرنامج



هنضغط على كلمة about علشان ندخل السيريال بتاع البرنامج علشان يبقى كامل بالطريقة دى



ونضغط ok وكدة البرنامج بقة كامل

ونبتدى الشرح

1 - تغير رقم البورت من 80 الى 82 او اى رقم انت عاوزو
2 - هتختار المكان او الفولدر اللى هنخصصه داخل السيرفر او بمعنى اصح اللى حاطين فيه الملفات اللى هنحتاجها على السيرفر زى روابط الافلام وكدة
3 - هنا خصائص البرنامج والتظبيط بتاع البرنامج زى اضافة يوزر وغيره
4 - ستارت علشان يبدأ البرنامج ويبقى شغال



هنضغط على رقم 3 اللى هو advanced هيظهرلنا الخيارات دى



1- هنا هنلاقى الايبهات اللى عاملة كونكت على السيرفر ولو بينزلو ملفات هيظهر برضو
2 - لما نضغط عليها هيجيب اليوزرات اللى عاملة كونكت
3 - هنضغط عليها هيجيب اكتر الملفات تحميلا من السيرفر
4 - بان اى بى لو عاوزين نحجب اى بى معين انه يدخل السيرفر او يحمل
5 - لو عاوزين نفصل اى بى من على السيرفر مؤقتا
6 - باقى الاختيارات التنظيمية للسيرفر
7 - الاضافات اللى بيتم اضافتها للسيرفر زى غرف الشات وغيره وغيره

هنضغط على رقم 6 settings وهندخل هنا



1 - المكان اللى هيبقى معموله شير على السيرفر ومن add تقدر تضيف اى فولدر تانى
2 - خصائص الابلود يعنى الملفات اللى اليوزرات تقدر ترفعها 100 ميجا مثلا او حسب ما تخصصها والملفات تترفع فين ومين اللى يقدر يرفع وكدة وكله هيتشرح بالتفصيل
3 - ودى الصفحة الرئيسية للبرنامج اللى متصمم فيها الشكل العام للسيرفر ودى مش هنحتاجها لأننا هنركب منتدى كامل ومجلة فمش هنحتاج الكلام ده خالص ولو حد عاوز صفحات يركبها بالاكواد ممكن ابعتهاله
4 - تقدر تضيف اليوزرات من هنا وتعملها سماح بالابلود والدونلود او الدونلود بس او الابلود بس وكدة
5 - دا لو عاوز ترفع ملف معين ويوزر معين بس او مجموعة يوزرات معينين هما اللى يقدروا يحملوه بس
6 - لو عاوز تعمل حجب لأى بى معين
7 - دى الاصوات اللى بتظهرلك انت على جهازك الى عامله سيرفر لما حد يبدأ يعمل دونلود او ابلود او يوزر يدخل او يخرج ودا كله ممكن توقفه عادى جدا
8 - مش هنحتاجه فى شىء
9 - دا اللوج يعنى كل ملف اتحمل امتى ومن مين وكام مرة وكدة
10 - دى تظبيطات اخرى للبرنامج زى امتى يبدأ البرنامج وسرعة الدونلود تبقى قد ايه وكام يوزر يقدر يحمل فى نفس الوقت وهكذا

والشرح بالتفصيل

1- الابلود Upload



تقدر من هنا تسمح بالابلود او تقفله وتقدر تحدد اللى هيعمل ابلود وتقدر تحدد حجم الملفات اللى تترفع يعنى ممكن تخليه 100 ميجا او اقل او اكتر وهكذا وتحدد المكان اللى هيتم رفع الملفات اليه داخل السيرفر

2 - اليوزرات



من هنا هتضيف اليوزرات من add وتحدد اليوزرنيم والباسورد وتقدر تحددله الابلود والدونلود

3 - حماية الملفات



من هنا تقدر تضيف ملفات ليوزرات بعينهم ومحدش يقدر يفتحها غيرهم

4 - حجب اى بى



تقدر تحجب اى اى بى انه يقدر يدخل على السيرفر او مجموعة ايبيهات مع بعض

5 - الاصوات



دى الاصوات لو حابب تبقى على اطلاع على كل اللى بيعمل دونلود وابلود

لو حبيت توقفها علشان متحسش ان فى حاجة شغالة هتعلم على Disable sound

6 - بدء التشغيل



من هنا تقدر تظبط البرنامج انه يفتح اوتوماتيك مع تشغيل الويندوز وتقدر تحدد اعداد اليوزرات اللى هتعمل كونكت على السيرفر فى نفس الوقت وتقدر تحدد اكبر عدد ايبيهات فى نفس الوقت وتقدر تحدد سرعة الدونلود

وبكدة يكون السيرفر خلص والمشاركات الجاية هتكون فيها الاضافات وتركيب الشات وقناة التليفزيون

تصنيف :